ببراءة وبكل براءة
همست عصفورة احلامي
في وداني بتنادي عليّة
عيزاني احكيلها شوية
عن احلامي المستنية
فكراني رح اقدر احلم
من تاني عيزاني افكّر
اتصدمت لما انا قولتلها
معلهش مش هقدر نامي
ودموعها جريت علي ريشها
الابيض انهار احزاني
سالتني والدمع مليها
ليه مش عايزه تحلمي تاني ؟؟
قلتلها والحزن ماليني
لسه النار لسه بتكويني
العالم بقي شبه الغابة
لا دا العالم هوّ الغابة
اشراره بيقتلوا اخياره
والخير مش راضي يتكلم
اخرس متقيدبقيوده
هوّ صنعها بوهم خباله
سالتني وهي بتستغرب
ايه رح يعمل هوّ الطيب ؟!
قلتلها وبكل عزيمة
لازم يتكلم ويصرخ
ويحطم في قيوده بصوته
دا الحق بصوته العالي هيدمر كل الظلم
ليه السلبية تملى عروقنا
والجبن بقى هو طريقنا
وعقولنا عطينها اجازة
بالذمة مش تبقى جنازة
بنشيّع فيها نفسينا
ونموت كده منّا فينا
بعد دا كله عايزة ايه تاني؟!
عيزاني احلم واتخيّل؟
الاحلام كلها تتبخر
وسط مهازل اكتر واكتر
اقتنعت عصفورتي النونو
اني انا لازم ابني وافكّر
واوعي كل اللي اعرفهم
بالواجب ليهم وتجاههم
لاوم نقضي علي السلبية
ونجدد من تاني النية
دي مصر بلدنا لسه قوية
جواها بحور حرية
وبعزيمتنا وباصرارنا
هنحولها جنة ابية
ونحطم اوهام اعدائها
علي اعتابها المرمرية
علي اعتابها المرمرية
هناك 14 تعليقًا:
تسلم ايدك بجد
لا فض الله فوك..
ويارب نتحرك شوية ..
ابدااااع يا اختي..
جمييييييييييييييل يا زهرة العرب
والاجمل اننا نتحرك
السلام عليكم
دي اول زيارة ليا عندك
ارجو ان تتقبلي مروري
كلماتك في منتهى الابداع
استمري في ابداعك
ميرو
شكرا ليك ميرو
وبجد يا رب نتحرك
-------------
سنووايت
انتي اجمل
شكرا ليكي وفعلا الاروع اننا نتحرك
------------
اسير حبيبتي
شكرا لزيارتك مدونتي ومدونتك واشعارك مش بس جميلة دي رااائعة
دي مصر بلدنا لسه قوية
جواها بحور حرية
وبعزيمتنا وباصرارنا
هنحولها جنة ابية
بجد ياريت
تحياتي
كلمات جميله ومعاني جميله اوي يا زهره , طبعا لازم طبعا نحلم ونحاول نحقق الاحلام دي , لاننا لو معندناش احلام او امل اتبقي الحياه مستحيله ..
تحياتي
محمد
زهره العرب :
مرور اول علي مدونتكم المحترمه ..
اولا ااركك الحلم و الذي باذن الله سيصبح حقيق ...
اشاركك الراي ان مصر ان شاء الله ستتحول الي جنه بايدينا ..
اشاركك الراي اننا علينا واجب نهضه مصر..
ربنا يكرمك تعبير رائع .. :)
تحياتي
آسف علي التأخر في الرد ....
موضوع جميييل جدا جدا ...
للمرة التانية .. من فضلك ما تتأخرش في المواضيع الجديدة ...
الضاحك الباكي
يا ريت فعلا
شكرا علي ردك وبجد منور المدونة
---------------------
الفارس الملثم
فعلا الهدف والامل هو روح الحياة وبدونهم هتبقي حاجة مملة
شكرا علي مرورك بالمدونة
----------------------
Ghada & Rofayda
نورتي مدونتي
وفعلا مصر هتتقدم بينا ان شاء الله ده مش شعار احنا اللي لازم نحارب الفساد ونعمل بجد لرفعتها وتطهيرها من كل الظواهر السلبية المدمرة
شكرا مرة ثانية علي مرورك الكريم
أنا مصري و ابن مصري وابن مصر الله عليه
شكرا علي مرورك الكريم
وبجد هحاول ماتاخرش...
أختى الفاضلة
بداية ،إستمتعت بما خطته يداك ، وأعجبنى نبرة التحدى التى أنهيتى بها قصيدتك الرائعة ، فتحية لك عليها ومزيد من الابداع .
ثانيا ، عندى نقد بسيط للقصيدة أرجو أن تتقبليه منى لأنى مؤمن أن النقد البناء هو طريق كل من لمزيد من التميز،
النقد هو أن هناك تناقض فى حديثك ، فحضرتك تقولين فى البداية أنك لا تريدين ان تحلمى وقلتى بعض العبارات التى تدل على الياس والتشاؤم ، ثم بعد ذلك أكملتى القصيدة كلها على هيئة أحلام رائعة يزينها الحماسة والتتحدى ، فانا ارى ان هناك تناقض بين الشعورين ، فالذى يحلم بتلك الاحلام لا يياس أبدا ولا يقرر بأنه لن يحلم ثانية ،هذا والله أعلم.
تحية لكى أختى الفاضلة
أستأذن حضرتك فى إضافة مدونتك الى قائمة المدونات الصديقة عندى .
إلم تأذنى فسأحذفها على الفور
السلام عليكم
اخي الفاضل عبد الرحمن
اولا شكرا علي مرورك الكريم علي مدونتي
ثانيا معك حق ففي بداية القصيدة كان الشعور السائد هو الياس والاستسلام للواقع بكل ما فيه من اشياء تدفعنا الي بئر عميق من الظلام لا نعلم له نهاية.
ولكن يبدو انني قد تاثرت بحواري مع عصفورتي الصغيرة التي استطاعت ببرائتها ان تعيد اليّ الحماس والعزيمة مرة اخرى كي انجو بها وبكل من حولي من هذا البئر العميق.
شكرا لك علي هذا النقد البناء
بالنسبة لاضافة مدونتي بكل سرور اخي الكريم.
إرسال تعليق